Ամերիկյան պատուհաններն արդեն Հայաստանում են. Արտ Լեն Պլաստը առաջին և միակ ընկերությունն է, որտեղ կարող եք պատվիրել ցանկացած չափերի և ձևի ամերիկյան պատուհաններ: Ամերիկյան պատուհանները սկզբունքորեն տարբերվում են մեզ մոտ լայն տարածում գտած եվրոպատուհաններից:
Դրանց հաճախ անվանում են նաև անգլիական պատուհաններ կամ ուղղահայաց սլայդեր՝ ելնելով աշխատանքի սկզբունքից:
Այս տիպի պատուհանները պատրաստվում են հատուկ մետաղապլաստից, ունեն պարզ կառուցվածք, բայց, չնայած դրան, առանձնանում են ամրությամբ, թեթևությամբ ու ջերմակայունությամբ։
Այստեղ փեղկերի բռնակների բացակայությունն ապահովում է տարածքի խնայողություն, թույլ է տալիս օգտագործել ցանկացած տեսակի վարագույրներ և արևապաշտպան մեխանիզմներ:
Ամերիկյան պատուհանների հիմնական առանձնահատկությունը բարձր ջերմամեկուսիչ հատկությունն է և չկոտրվելու հավանականությունը անգամ ուժեղ քամու դեպքում: Բացի այդ, պատուհանի համակարգը չի խոչընդոտում օգտվել պատուհանագոգից՝ որպես հենակ:
Ամերիկյան պատուհանները կարող են ունենալ միմյանցից անկախ 1 կամ 2 փեղկ, ինչը թույլ է տալիս հեշտ օգտագործել դրանք և խնայել ռեսուրսները: Դրանց խնամքն ու մաքրությունը նույնպես հեշտ է և հարմար:
Անվտանգության տեսանկյունից ամերիկյան կամ անգլիական պատուհաններն իդեալական լուծում են փոքրիկ երեխաներ ունեցող ընտանիքների համար։ Վերջիններս չեն կարող ինքնուրույն բացել պատուհանը, եթե նույնիսկ տեղադրված չէ հատուկ պաշտպանիչ համակարգ:













